الأحد، 13 أبريل 2014

شادن وسيف (الثامن)

الجزء الثامن

جلست بتراخي بعد ماطلع سيف 
 عيني على الباب وعيني على كيس الهديه      وانفتح الباب فجأه ورجع سيف
وابتسامه عريضه  تلون وجهه مع ملامح رعب ترتسم بوجهي
:شدون ترا ماعندي صبر زواجنا ان شالله بعد شهرين جهزي نفسس ورمى لي بوسه بالهوا وانسحب سحب من محمد اخوي   
:اوووه     تنفست براحه
وانفتح الباب مره ثانيه بس هالمره محمد يضحك ويجاهد ظربات سيف 
:محمد وعينه على الهديه  :اشوف وش جاب لس الدب سيفوه
  وجته ضربه بظهره :اي يا دلخ عورتني
قلت لمحمد :خلاص روووح  بعدين بعدين
 وطلعت من المقلط قصدي هربت خفت انه يرجع 
  
____________

بس وصلت عند عمي قلت له  :عمي  ابي موعد العرس بعد شهرين يعني على عيد الفطر


 رد لي بالموافقه 




_________
صارت الايام تركض
 من ارسل سيف المهر وانا يوميا انزل السوق 
 والاحق تسجيلي بالجامعه
 

 وفي يوم من الايام
رجعت انا واختي من السوق واستقبلتني امي ووجهها  عابس  وهمست لي:جدة سيف هنا وخالتس بعد
   لا تدخلين ابد





قرصني قلبي
وش فيه وش اللي جايب جدته 



 وقفت اتسمع   وش يقولون. مافيني صبر لين يروحون


 : بنتنا عندنا وولدكم عندكم 
وتراكم انتو اللي فرقتو بينها وبين ولدي 

  : لا يانظر عيني والله بنيتكم اللي الله اعلم وش هي مسويه لين علقت ولدي سيف بها والا سيف من اول بس يهذري ببنت عمه البدور

 " شهقت وش هالكلام وش هالتهم الباطله ذي 
    ارتفع صوت امي     :حدتس والله لو مانتي في بيتي ان مالتس حشيمه جايتنا في بيتنا
 وتلسنين علينا
 بنتي  ولدكم اللي سعى وخطبها
لا شافها ولا شافته
   بس اللي جاب ولدتس على وجهه سيرة شرفهاوشرف اهلها     
انتفضت عجوز السووو:  هين والله ماتتم هالزواجه وانا بنت ابوي واللي خلق هالشيبات ومسكت شعرها:    ماتفرحون بولدي لبنتكم
   خالتي ردت:   باللي مايحفظكم. انتي وولدتس وقبيلتس كلها
   

 وطلعت العجوز وانا واقفه   ودموعي متحجره بعيوني
دفتني وطلعت من باب البيت
وهي ترغي وتزيد وتوعد
بطلاقي من سيف 

طلعت خالتي
وضمتني: لا يايمه لا يانظر عيني. ازوجتس سيد سيده    ناصر بس ينتظر منتس اشاره
تفلت منهاوصرخت بها :  خالتي وخري عني وخررري 
وش تقولين انتي وش تقولين. وبعدين  وش جاب هالعجوز وش اللي صار
ودخلت على امي متنكده مثلي  شوف عينها بنتها بتطلق وهي بالملكه 

  :يمه انا زواجي بعد شهر  ليه كل هذا يصير  وشتبي عجوز ابليس مني وليه تقول عني كذا 
 امي تمسح دموعها:والله يابنتي مدري دخلت علينا انا وخالتس وهي تحلف وتقسم ايمان ان زواجكم مايتم  والباقي سمعتيه واختي زادت النار حطب 


________


 طبعا مافي مثل الاخبار الشينه بسرعة الانتقال والوصول 
  جدتي  الله يسامحها خربت علي حياتي ولعت بالبيت حريقه.  وماخلت كلام شين ماقالته   ماصدقت فيها ولا باهلها      ويارب هي بعد ماتصدق فيني 
     واليوم  اتصل علي عمي ابو حمد وطلبني عنده     رحت وانا خجلان مالي وجه
وعلى قد ماكنت متأمل اني احاوط الموضوع واهديه الا ان كل شي انهار  بكلمته :ياولدي الباب اللي يجيك منه الريح سده واستريح والظاهر ان زواجكم مابيجيب الا المشاكل فمثل ما دخلنا بالمعروف اتمنى نخرج بالمعروف 
   

قراءة ممتعة لكم وردود حلوه لي

هناك 5 تعليقات:

  1. ����������������������������
    لا... لااااااا
    وشووو هالكلام بعد ماااستانسنا بالجزء اللي فاات ان سيف عرف يصالح شادن ويقرب منهاا كيف جت جدته واعفست الساالفه
    والخااله تصتاد بالمااي العكر الله لا يتمم لهم اللي يبوونه
    كل وحده منهم تبي تمشي اللي براسهاا
    يااني مقهووره منهم >> فيس يغلي من القهر
    فكووني عليهم بس ��������
    لكن واثقه ان سيف بيحلهاا ويصلح المووضوع اصلا ماافي مجال يتكنسل الزوااج ماافي ماافي ماافي
    اقوولكم فكره
    انا بشتغل خطابه عشاان افككم من شرهم
    بزووج بدوور لولد الخاله خخخخخخ بالله كيف اعجبتكم هاااا
    ام رنووو لا يكوون بتقطعين قلووبناا بنهاايه حزينه دييري باالج
    حبيبتي
    كل الحب
    ودمتي مبتهجه

    ردحذف
    الردود
    1. حبيبتي زيزي دايم تسعديني بردودس ووقفتس جنبي ياقمر ممتنه لس ياصديقتي

      حذف
  2. يووه ليه كدا حرام تقطع قلبي تكفين لا تكون النهايه شينه

    ردحذف
    الردود
    1. شكرا اموله الله يستر من النهايه مع اني اكره النهايات الحزينه

      حذف
  3. انتي عزيزة و غالية بس مسألة تشعللينها و تخلينا ننطر لااااااا و ألف لااااااااااا ارحمينا و كملي و رديهم و زوجيهم الله يرضى عليج
    و هالعيوز ما قدرت على سيف واعليه راحت طبت في شادن و أهلها ما تستحي...يا شين العيوز لا صارت نحيسة

    ردحذف